SHTOHEN TRUPAT E KFOR-it NË KOSOVË
Të martën merr detyrën e komandantit I ri I KFOR-it gjeneralmajori turk Özkan Ulutaş për ta pasuar italianin Angelo Ristuccia.
Ai do të udhëheq KFOR-in në një mandat njëvjecar në kohën e tensioneve në veri të Kosovës.
Pas sulmit të Banjskës është marrë vendim për shtimin e trupave të KFOR-it në Kosovë. 200 ushtarë të ushtrisë britanike tashmë kanë arriitur në Kosovë si përforcim i KFOR-it.
Kështu ka bërë të ditur Shtabi Suprem i Fuqive Aleate në Evropë përmes një postimi në platformën “X”.
Edhe Rumania do të dërgojë 100 trupa shtesë.
Ardhja e turkut Ulutas në krye të KFOR-it nuk i ka pëlqyer fare Serbisë.
Ministri serb i Mbrojtjes, Millosh Vuçeviq, tha se Turqia është një promovuesit dhe mbështetësit më të mëdhenj të shtetit të Kosovës.
Madje ai e ka quajtur Turqinë furnizues kryesor të armatosjes së FSK-së dhe përkrahëse e madhe e transformimit të saj në ushtri. Edhe ish diplomatët serbë konsiderojnë se Serbisë “nuk i shkon fare për shtati” që një gjeneral turk të kryesojë me KFOR-in
Derisa mediat e huaja raportojnë për raporte të mira ekonomike Ankara Beograd si dhe përmendin raportet me Prishtinën dhe furnizimin nga Turqia me dronë Bajraktar.
Turqia renditet e dyta midis 27 vendeve anëtare të NATO-spër sa i përket kontributit me personel.
Tensionet në veri kanë nisur që kur u dorëhoqën policët serb në veri për të kulmuar me 24 shtator, pas një sulm nga një grupi të armatosur rëndë ndaj njësiteve policore të Kosovës, ku u vra rreshteri policor Afrim Bunjaku dhe tre pjesëtarë të këtij grupi.
Përgjegjësinë për organizimin e këtij grupi e ka marrë Milan Radoiçiq, ish-nënkryetari i partisë më të madhe serbe në Kosovë, Listës Serbe.
