Ukrainës po i mbarojnë municionet në luftën e saj kundër pushtimit rus dhe anëtarët e NATO-s nuk po bëjnë sa duhet për të ndihmuar Kievin, tha të enjten sekretari i përgjithshëm i aleancës Jens Stoltenberg. Në komente jashtëzakonisht të prera për gjendjen e luftës, Stoltenberg tha se aleatët e NATO-s kishin kapacitetin për të ofruar më shumë për Ukrainën, por duhej të tregonin vullnetin politik për ta bërë këtë.
“Finlanda është më e sigurt tani sesa përpara se të anëtarësoheshin në aleancë, sepse tani Finlanda mbulohet nga klauzola jonë e mbrojtjes kolektive, neni 5, një për të gjithë, të gjithë për një. Pothuajse të gjitha forcat tokësore ruse janë të përfshira në luftën e agresionit kundër Ukrainës. Kështu që ne nuk shohim ndonjë kërcënim të afërt kundër asnjë aleati të NATO-s. Por sigurisht, ne do të monitorojmë, ndjekim nga afër se çfarë bën Rusia përgjatë kufijve të NATO-s. Por NATO ka qenë në gjendje të mbrojë aleatët e NATO-s për 75 vjet dhe do të vazhdojë ta bëjë këtë, duke përfshirë me Finlandën si anëtare”, theksoi ai.
Më shumë se dy vjet pas pushtimit të plotë të Rusisë, ushtria e Ukrainës kohët e fundit është përballur me furnizime të reduktuara ndjeshëm të armëve nga Perëndimi.
