Pas takimit me presidenten Vjosa Osmani, kryetari i Alternativës Afrim Gashi dje në kuadër të vizitës zyrtare në Kosovë, u takua edhe me Kryetarin e Kuvendit të Republikës së Kosovës, Glauk Konjufca.
“Diskutuam për momentin politik në të cilin ndodhet Kosova. Shpreha mbështetjen e plotë të Alternativës dhe të Maqedonisë së Veriut për pozicionet e Kosovës në bisedimet me Serbinë. Theksova nevojën që bisedimet për normalizimin e marrëdhënieve të përfundojnë me zgjidhje që ruan paqen dhe stabilitetin në rajon, ndërsa ka në thelb njohjen e pavarësisë së Kosovës”, deklaroi Gashi pas takimit.
Ai ka nënvizuat edhe përkrahjen për integrimin euroatlantik të Kosovës.
“Bashkërisht u dakorduam për nevojën e thellimit të bashkëpunimit dypalësh në të gjitha fushat”, theksoi Gashi.
