Stuhia Byron shkatërron shtëpitë në Gaza: Të paktën 14 të vdekur, përfshirë tre fëmijë nga i ftohti

Dhjetëra shtëpi, mure dhe tenda u shembën në Rripin e Gazës pasi stuhia Byron goditi enklavën, duke vrarë të paktën 14 persona gjatë ditës së kaluar, raportoi Al Jazeera, transmeton Lideri.mk

Palestinezët e rraskapitur kishin pak ose aspak për t’u përgatitur për kushtet katastrofike të motit, tha Hani Mahmoud i Al Jazeera, duke raportuar nga Qyteti i Gazës.

“Për mijëra familje të zhvendosura këtu, dimri është një vuajtje shtesë. Çadrat po shemben; i ftohti është i padurueshëm. Ata praktikisht nuk kanë ku të shkojnë. Ajo që po ndodh është shkatërruese. Kjo nuk është vetëm një stuhi; është një valë e re zhvendosjeje, edhe pasi lufta ka mbaruar. Shumë këtu më kanë thënë se pas këtyre përmbytjeve, një luftë e re ka filluar në të vërtetë dhe se njerëzit po detyrohen të largohen nga strehimoret tashmë të brishta që kishin. Këtë herë, nga frika dhe mundësia e mbytjes. Ata po mbyten në pikëllim, duke kaluar nëpër kaq shumë pengesa dhe kushte të vështira”, shpjegon korrespondenti i Al Jazeera-s, Ibrahim al-Khalili, për situatën aktuale në Gaza.