Alarme për bomba në 66 shkolla të Shkupit, një të Prilepit dhe një çerdhe në Shkup. Nga policia thonë se menjëherë pas raportimeve kanë ndërmarrë të gjitha masat e nevojshme, me çka shkollat janë evakuuar, janë bërë kontrollet e nevojshme dhe po ndërmerren masa për zbardhje të rasteve. Me thirrje për zbardhje të rasteve kanë dalë edhe kryetarët e Komunave. Me këtë problematikë shkollat po ballafaqohen tashmë disa muaj, ndërsa akoma nuk dihen autorët dhe shkaqet e këtyre kërcënimeve. Ministri i Arsimit dhe Shkencës tha se kanë marrë udhëzime nga organet kompetente, dhe në bashkëpunim me drejtorët e shkollave në territorin e Shkupit, së shpejti pritet të merren vendime për shkollat që kanë marrë paralajmërime për bomba. /Alsat.mk