Është gjetur i vdekur Robert Card, i cili mbahet përgjegjës për sulmin e armatosur më 25 tetor në rajonin Maine të SHBA-së dhe në të cilin humbën jetën 18 persona, transmeton Anadolu.
Policia e shtetit Maine njoftoi se i dyshuari i sulmit të armatosur ku humbën jetën 18 persona dhe u plagosën 13 të tjerë u gjet i vdekur pas një ndjekjeje dy ditore.
Policia vuri në dukje se trupi i Card u gjatë pranë një objekti riciklimi në qytetin Lewiston të rajonit dhe se në kafkën e tij u zbulua një plagë plumbi që tregon se ai ka qëlluar veten.
Ngjarja e 25 tetorit për të cilin vazhdojnë hetimet dhe Card mbahet përgjegjës, ishte sulmi i 576-të i armatosur që ka ndodhur në SHBA në vitin 2023.
Presidenti amerikan Joe Biden pas sulmit të armatosur në fjalë përsëriti kërkesën e tij ndaj republikanëve që të miratojnë në Kongres projektrezolutën që ndalon armët e sulmit.
Qendra e Informacionit dhe Analizës në Maine ndau informacionin se Card ishte instruktor i licencuar i armëve të zjarrit dhe punonte si specialist për furnizimin e naftës në ushtri.
