Tre persona u vranë dhe 29 të tjerë u plagosën, përfshirë gjashtë fëmijë, në një sulm rus në lagjen Desna të kryeqytetit ukrainas, njoftoi kryetari i bashkisë Vitali Klitsko përmes platformës Telegram.
Sipas Klitskos, shtatë nga të plagosurit, mes tyre dy fëmijë, janë shtruar në spital.
Autoritetet lokale raportuan se mbeturinat e disa dronëve që u rrëzuan ranë mbi katin e dytë të një ndërtese banimi, duke shkaktuar shpërthime dhe zjarr që më pas u përhapën në katet e sipërme të pallatit.
Ekipet e emergjencës arritën në vendngjarje dhe arritën të izolonin zjarrin pas disa orësh, ndërsa operacionet e kërkimit vazhdojnë për të siguruar që nën rrënoja të mos ketë persona të tjerë të bllokuar.
Ky është një nga sulmet më të fundit në kryeqytetin ukrainas, në kuadër të ofensivës ajrore që Rusia ka intensifikuar javët e fundit ndaj infrastrukturës civile të Ukrainës.
Shqip