Rusët provokojnë NATO-n, lëshojnë raketat shumë pranë avionëve britanikë
Pilotët rusë përveç bombardimeve ajrore mbi Ukrainë, tashmë kanë filluar të provokojnë edhe forcat aleate.
Mediat perëndimore raportojnë se në 29 shtator një avion luftarak rus ka lëshuar një raketë shumë pranë avionëve britanikë të cilët ndodheshin mbi një luftanije në Detin e Zi.
Mediat shkruajnë se një avion rus “lëshoi një raketë” pranë një avioni mbikëqyrës britanik RC-135 në hapësirën ajrore ndërkombëtare mbi Detin e Zi më 29 shtator, ka konfirmuar ministri britanik i mbrojtjes Ben Wallace.
Wallace i tha parlamentit se Britania kishte pezulluar më parë patrullimet pas incidentit dhe i shprehu shqetësimet ministrit rus të Mbrojtjes Sergei Shoigu.
Rusia, çuditërisht, tha se ishte një “mosfunksionim teknik” dhe Ëallace tha se Britania tani ka rifilluar patrullimet. Megjithatë, patrullat tani kanë përcjellje të avionëve luftarakë.
Sipas ministrit, avioni RAF RC-135 ishte në patrullë rutinë, kur u “në hije” nga dy avionë luftarakë rusë SU-27, njëri prej të cilëve lëshoi një raketë në afërsi të avionit britanik.
Ministri tha se incidenti nuk u konsiderua një “përshkallëzim i qëllimshëm”, por shqetësimet u shprehën në një letër drejtuar homologut të tij rus, Sergei Shoigu.
“Në letrën time, e bëra të qartë se avioni ishte i paarmatosur, në hapësirën ajrore ndërkombëtare dhe duke ndjekur një rrugë fluturimi të njoftuar paraprakisht,” tha ai.
