Kryeministri Edi Rama kishte një komunikim me rëndësi sot, 4 nëntor, për qytetarët para konferencës me ambasadorin e BE-së, Silvio Gonzato.
“Pjesën e luanit në këtë projekt-buxhet e zënë padyshim pensionistët, me 100 milion euro shtesë përveç indeksimit”, deklaroi ai, duke shtuar se në 2027-ën do të dyfishohet kjo shifër.
“1.7 miliard euro më shumë do të marrin pensionistët në mandatin e katërt qeverisës”, tha Rama.
Njoftoi se nga janari i vitit të ardhshëm do të rritet paga minimale në 500 euro për mbi 307 mijë punonjës.
“Paga minimale do të arrijë 700 euro! Jo vetëm kaq, siç e kemi premtuar qeveria do të subvencionojë për 9 muaj, plot 90 mln euro edhe shtesën e kostos së sigurimeve për të punësuarit në sektorin privat. Ja pra, ky jam unë dhe këta jemi ne!”, shtoi më tej.
83 mandatet e fituara më 11 maj, i cilësoi “83 arsye më shumë se sa deri dje për të mos fjetur gjumë, për të punuar pa pushim dhe për t’ju kthyer qytetarëve atë që iu takon pas votëbesimit”.
Shqip