Në Spitalin e Përgjithshëm të Kumanovës gjatë ditës së djeshme dhe të sotme janë marrë të gjitha masat për të përballuar pasojat e mungesës së ujit nga rrjeti i qytetit, në mënyrë që në kushtet e reja të funksionojnë normalisht, pohojnë autoritetet.
“Edhe pse nuk jemi njoftuar zyrtarisht, pasi kemi marrë vesh nga portalet kemi kontaktuar me ministrin e Shëndetësisë, i cili pa fjalë na ka dhënë leje që pacientët të transportohen në klinikat e Shkupit. “Me ndihmën e Qendrës për menaxhim me kriza kemi marrë një cisternë me ujë të duhur për nevojat tona, si dhe kemi siguruar sasi të mjaftueshme të ujit për pacientët dhe stafin në spital”, tha drejtoresha Biljana Ivanovska.
Në 24 orët e fundit nga Spitali i Kumanovës në objektet shëndetësore në Shkup janë transportuar 3 pacientë, për shkak të rëndimit të gjendjes së tyre, por megjithatë lindja urgjente është bërë në Repartin e Obstetrikës, për faktin se ndodhej në fazën përfundimtare, dhe ishte më e sigurt për pacientin dhe foshnjën në spital.
Drejtori shton se të gjithë pacientët e përkujdesur janë në gjendje të mirë dhe me reagim të shpejtë, koordinim ndërrepartiaktar dhe ndërinstitucional, spitali i Kumanovës punon në vazhdimësi me pacientët që vijnë tek ata.
Një pjesë e pacientëve u liruan për mjekim në shtëpi, dhe në marrëveshje me kuzhinën e spitalit, gjatë ditës shërbehej ushqim i thatë, me enë njëpërdorimshe, me qëllim respektimin e normave shëndetësore dhe higjienike. Operacionet e planifikuara nuk do të kryhen derisa situata të normalizohet.
Ata tashmë kanë zhvilluar një takim për infeksionet ndërspitalore, janë marrë të gjitha masat në dispozicion dhe janë respektuar të gjitha protokollet, në mënyrë që të mos presin rritjen e tyre pavarësisht funksionimit në kushte jo standarde.
Gjatë fundjavës së gjatë, ata do të vazhdojnë të punojnë sipas orarit, marrëveshjes dhe udhëzimeve tashmë të përcaktuara. Spitali i Përgjithshëm i Kumanovës ka siguruar sasi të mjaftueshme të ujit si nga cisterna ashtu edhe për pije për ditët e fundjavës së zgjatur.
