Sekori për Punë të Brendshme në Tetovë njofton se ka arritur ta gjejë veturën “Volkswagen Polo”, që me datë 03.01.2023 ishte raportuar si e vjedhur nga pronari 29-vjeçar nga Çellopeku i Tetovës. Nga SPB-Tetovë thonë se vetura i është kthyer pronarit.
“Zyrtarët policorë të SPB Tetovë, dje (11-janar) rreth orës 12.00 në rrugën lokale Strimnicë – Falishë kanë gjetur automjetin “Volkswagen Polo” me targa të Shkupit, në pronësi të 29-vjeçarit B.B. nga Çellopeku i Tetovës, i cili ishte raportuar se është konfiskuar në mënyrë të kundërligjshme më datën 03 të këtij muaji. Është kryer inspektimi dhe automjeti i është kthyer pronarit”, thonë nga SPB-Tetovë.
