June 21, 2024
Rajon - Botë

Pakistan, rritet në 80 numri i viktimave nga shirat muson

Numri i personave që humbën jetën në Pakistan për shkak të reshjeve efektive muson që nga 25 qershori është rritur në 80, transmeton Anadolu.

Sipas deklaratës së Agjencisë Kombëtare të Menaxhimit të Fatkeqësive (NDMA), katër persona humbën jetën dhe nëntë u lënduan në provincat Punjab, Sindh dhe Balochistan në 24 orët e fundit për shkak të shirave të dendur.

Numri i viktimave në fatkeqësitë dhe aksidentet e shkaktuara nga shirat e dendur në vend që nga 25 qershori është rritur në 80, ndërsa numri i të lënduarve në 142.

Shirat muson në periudhën qershor-shtator çdo vit shkaktojnë dëme të mëdha në Pakistan.

Vitin e kaluar, 1.739 njerëz vdiqën në Pakistan për shkak të përmbytjeve të shkaktuara nga reshjet e tilla. Njoftohet se kostoja e fatkeqësisë së përmbytjeve në vend u regjistrua mbi 30 miliardë dollarë.