Etem Xheladini
Të nderuar bashkatdhetarë në mërgatë,
Me respekt të thellë për përkushtimin dhe sakrificën tuaj ndër vite, thirrje që del nga zemra, por ngrihet edhe nga ndërgjegjja historike:
Ku janë llogaritë e fondeve që i dhat e i dhamë për liri, arsim, kulturë dhe komb?
Si u harrua që diaspora shqiptare e arsimdashësit të përndjekur dhe të margjinalizuar, u shndërrua në krahun më të fortë të çdo përpjekjeje kombëtare në dekadat e fundit. Jeni ju që i thatë “Po” thirrjes për ndihmë në vitet më të errëta – kur armiku shkelte mbi gjuhën, shkollat dhe shtëpitë tona.
Ju dhatë pa kursim për:
– Fondin e Vetëmbrojtjes (1990–1998)
– Fondin 3% për Republikën në ekzil
– “Vendlindja Thërret” në SHBA, Zvicër, Gjermani
Austri, e gjetiu,
– Ndihmat për UÇK-në dhe të zhvendosurit,
– Rindërtimin e shtëpive dhe shkollave pas luftës.
Por sot, më shumë se 20 po edhe 30 vjet më vonë, ende nuk kemi transparencë.
Asnjë auditim.
Asnjë përgjegjësi.
Asnjë dënim.
Shumë nga ata që premtuan çlirimin, ndërtimin dhe dinjitetin, mbetën në pushtet, por harruan detyrën.
Disa u pasuruan mbi mundin tuaj e tonin.
Të tjerë heshtën.
Si është e mundur që fondet kombëtare u shpërndanë pa llogari, dhe askush nuk u mbajt përgjegjës?
– Pronat publike u shitën.
– Fondet për arsim u shndërruan në prona private
– Rrjetet që dikur mbledhnin ndihma, sot janë kthyer
në heshtje të frikshme.
Ne duhet kërkuar hakmarrje.
Të kërkohet llogari.
Të kërkohet transparencë.
Të kërkohet drejtësi.
Sepse pa drejtësi për fondet e së kaluarës, nuk mund të ketë besim për projektet e së ardhmes.
Sepse s’mund të ecim drejt një bashkimi kombëtar, pa e pastruar plagën e vjetër të mashtrimit në emër të kombit.
Thirrja është e qartë:
1.Auditim i pavarur i fondeve kombëtare të mbledhura
në diasporë nga viti 1990 deri më sot.
2.Publikimi i emrave të individëve apo organizatave
që menaxhuan fonde pa dokumentim zyrtar.
3.Krijimi i një platforme të përbashkët të diasporës,
për të mbrojtur interesin publik dhe për të rikthyer
dinjitetin kombëtar.
E ardhmja nuk mund të ndërtohet mbi heshtje.
Respekti për sakrificën tuaj nuk përkthehet në fjalë, por në veprime konkrete dhe drejtësi të vonuar.
Bashkimi fillon me të vërtetën.
Shqip