Fronti europian tubimin qendror do ta mbajë nesër në sheshin Maqedonia në Qendër të Shkupit. Nga BDI sot përmes nje kumtese e Ftuan opozitën shqiptare t’i thirrin mendjes dhe të mos bëhen vegël e, sic theksojnë, agjendave ruse që po proklamon VMRO dhe tellallët e tyre.
“Mickoski dhe VMRO edhe publikisht kërkon një Maqedoni pa shqiptarët. Madje, hapur ju bën thirrje të gjithë maqedonasve të bashkohen kundër Ali Ahmetit dhe BDI-së. BDI dhe Fronti Europian shprehin shqetësimin e thellë për fjalorin nacionalist dhe antievropian të VRMO-së”, thuhet në komunikatën e BDI-së. Për ketë temë foli sot edhe Bujar Osmani
“Lexova këndej duke ardhur tre sloganet e VMRO DPMNE-së. Nën një kërkojnë 61 deputetë për të na përjashtuar nga vendimmarrja. Nën dy kundër kandidatja ime thotë ta kthejë dinjitetin se na paska humbur, dhe nën tre ajo çka ishte me skandalozja që e lexova ne bilborde, ‘da ti ja vratime zemjata’ kinse ne kemi fituar të drejta të barabarta të kemi kryeministër, të kemi ministër të jashtëm, ministër të financave ministrinë e shëndetësisë. Nga Shipkovica ua paskemi marr tokën dikujt. Kjo është skandaloze për shtet multietnik”, u shpreh Bujar Osmani, kandidat për president-Fronti Europian.
