Me vendim të koalicionit VLEN, sot është zyrtarizuar emërimi i Nedim Ramës në pozitën e Drejtorit të NOMA Gas, institucion përgjegjës për menaxhimin, kontrollin dhe zhvillimin e infrastrukturës së gazit natyror në vend.
Nedim Rama vjen në këtë detyrë me përvojë të dëshmuar në menaxhim, planifikim strategjik dhe organizim teknik, duke u vlerësuar si një nga figurat profesionale që mund të garantojë transparencë, efikasitet dhe funksionim modern të sektorit të gazit.
Gjatë paraqitjes para stafit, Rama theksoi se prioritetet e tij do të jenë:
• Rritja e kapaciteteve dhe sigurisë së rrjetit të gazit
• Modernizimi i proceseve të punës dhe dixhitalizimi i shërbimeve
• Rritja e besueshmërisë dhe funksionalitetit të furnizimit me gaz
• Bashkëpunimi i ngushtë me komunat, bizneset dhe qytetarët
• Transparencë dhe përgjegjësi në çdo vendim institucional
Ai u shpreh se synimi kryesor është që NOMA Gas të funksionojë si një institucion i hapur dhe dinamik, në shërbim të qytetarëve dhe ekonomisë, duke u shndërruar në një nga shtyllat kryesore të zhvillimit të qëndrueshëm.
Emërimi i tij shihet si një hap i rëndësishëm drejt forcimit të institucioneve dhe krijimit të një qasjeje më profesionale në menaxhimin e sektorit të gazit.
Shqip