Në vitin 1982, zyrtarët komunistë maqedonas akuzuan nacionalistët shqiptarë (përfshirë disa klerikë shqiptarë myslimanë) se ushtruan presion mbi maqedonasit romë, turqit dhe myslimanët maqedonas (Torbeš) që të deklaroheshin si shqiptarë gjatë regjistrimit. Bashkësia Islame e Jugosllavisë e dominuar nga myslimanët sllavë kundërshtoi gjatë viteve 1980 kandidatët shqiptarë që ngjiteshin në pozicionin udhëheqës të Reis ul-ulema për shkak të pretendimeve se kleri mysliman shqiptar po përpiqej të shqiptarizonte sllavët myslimanë të Maqedonisë.
Autoritetet komuniste maqedonase të shqetësuara me rritjen e nacionalizmit shqiptar pretenduan se turqit dhe myslimanët maqedonas (Torbeš) po shqiptarizoheshin përmes presioneve politike dhe kulturore shqiptare dhe nisën një fushatë kundër nacionalizmit shqiptar të quajtur diferencim që përfshin kontrollin e lindjes, kontrollin mbi institucionet myslimane dhe arsimin shqiptar, shkarkimi i nëpunësve publikë e kështu me radhë.
Riza Memedovski, kryetar i një organizate myslimane për myslimanët maqedonas në Maqedoninë e Veriut, akuzoi partinë politike shqiptare me shumicë, Partinë për Prosperitet Demokratik në vitin 1990 se po përpiqet të asimilojë njerëzit, veçanërisht myslimanët maqedonas dhe turqit dhe të krijojë një “… Shqiptarizim të perëndimit Maqedonas”. Nga këndvështrimi maqedonas, Çarshia e Vjetër e Shkupit pas viteve 1960 dhe në një periudhë kohore prej njëzet deri në tridhjetë vjet pësoi një ndryshim demografik të shqiptarizimit që u reflektua në përdorimin e alfabetit latin dhe shkrimit shqip në dyqanet e zonës, pastaj në vitet 2000, ndërtimi i një statuje të Skënderbeut në hyrje të Çarshisë së Vjetër jep të tregon se kjo pjesë në Maqedoni, po fillon të shqiptarizohet.
Dr.Nijazi Halili
Ferizaj, 07.12.2021
