Srebrenicë, 10 nëntor – Hajra Qatiq, një figurë kryesore në përpjekjet për të gjetur eshtrat e mbi 8,000 myslimanëve boshnjakë të vrarë në masakrën e Srebrenicës në vitin 1995 dhe për të sjellë fajtorët para drejtësisë, ka vdekur të martën.
Qatiq, 78-vjeçare, nuk arriti të gjente eshtrat e djalit të saj, i cili vdiq në mizorinë më të keqe të Evropës që nga Lufta e Dytë Botërore që u konsiderua si gjenocid nga dy gjykata ndërkombëtare, raporton AFP, përcjell Telegrafi.
Ajo humbi 20 të afërm meshkuj, duke përfshirë burrin dhe djalin e saj, Nino Qatiq, korrespodent i Srebrenicës për disa gazeta boshnjake dhe media të tjera gjatë luftës në vitet 1992-1995, i cili ishte 26 vjeç kur vdiq.
“Hajra Qatiq vdiq sot pa qenë në gjendje të marrë pjesë në funeralin e djalit të saj Nihad Nino Qatiq”, tha qendra përkujtimore e Srebrenicës në një deklaratë.
Për 26 vjet “ajo ruajti kujtimin e guximit të këtij reporteri të luftës nga Srebrenica, duke i inkurajuar të tjerët se lufta për të vërtetën dhe drejtësinë nuk mund dhe nuk duhet të pushojë”, thuhej më tej.
