Lista Më Mirë për Tetovën në pres konferencën e sotme akuzoi se Monopoli që është një kujtim i dhimbshëm për Tetovën, fatkeqësisht nuk i përjetoi “syrit të etur për përfitime”.
“Tetova është një qytet më të kaluar që është e pasur me ngjarje të mëdha historike, por edhe me tragjedi të mëdha — e njëra prej tyre është padyshim masakra e Monopolit.
Sot ndodhemi këtu, tek Monopoli famëkeq i Tetovës, ku mijëra shqiptarë u përsekutuan dhe u vranë pabesisht.
Ndërsa unë qëndroj para jush si nip i një 18-vjeçari që i mbijetoi masakrës së Monopolit, për të reaguar kunder tendencave per harresen e kesaj masakre.
Monopoli, për ne, nuk është vetëm një vend.
Është një kujtim i dhimbshëm, një plagë e hapur e holokaustit mbi shqiptarët e Tetovës.
E megjithatë, Monopoli nuk i mbijetoi syrit të etur për përfitime.
Monopoli eshte nje njolle e zeze per partite politike.
Asnjë parti politike, asnjë pushtet, asnjë qeverisje nuk gjeti guximin t’i japë Monopolit nderimin që meriton, tha bartësi i listës, Agron Arifi.
Ai rikujtki se nuk u vendos as edhe një pllakë përkujtimore për viktimat, e as u bë ndonjë hulumtim për emrat e atyre që u flijuan vetëm pse ishin shqiptarë.
“Përkundrazi, Monopoli u bë pjesë e pazareve politike.
Shqiptarët një herë u vranë këtu, ndërsa 80 vite më vonë, për së dyti herë, Tetovarët u vodhën poashtu në këtë vend.
A e meritojnë këtë harresë ata që na lanë amanet këtë qytet?
A është kjo trashëgimia që duam t’ua lëmë fëmijëve tanë?
Nuk guxojmë të lejojmë që historia të harrohet.
Nuk guxojmë të lejojmë tregti me ngarjet tona të historike”, tha Arifi.
Shqip