Kryeministri Hristijan Mickoski në një paraqitje para mediave edhe njëherë është zotuar se nuk do të kursejë askënd nga funksionarët e dikurshëm dhe të tanishëm, nëse ata janë të përfshirë në skandale e afera kriminalo-korruptive.
“Të gjithë që kanë gabuar para ligjit ose nuk do të punojë ndershëm do të përgjigjen para ligjit, pavarësisht se nga cila parti politike vijnë ata… Pjesa e të kriminalizuarve që luanin futboll në ambientet e qeverisë, e që janë në arrati, e që rrjedhimisht nuk mund të japin llogari përpara organeve komtetente, shpresoj se do të vijë ditë kur edhe ata do të japin llogari…
Por ka edhe disa funksionarë të cilët në të kaluarën kanë bërë krimi të madh, kanë blerë Qendra tregtare, duke e pasuruar oborrin me vetura “Maybach”, pastaj kanë hapur kompani, me anë të të cilave brenda natës bëheshin milionerë dhe shume raste tjera… Ashtu që kjo qeveri, duhet të mësoheni, është qeveri e cila sjellë drejtësi për të gjithë qytetarët e Maqedonisë. Ashtu do të veprojmë ndaj të gjithë atyre të cilët në të kaluarën, ka dyshime, se kanë kryer vepra kriminale…pa marrë parasysh së nga cila parti vijnë ata. “, deklaroi kreu i qeverise, z.Hristijan Mickoski.
Shqip