Çairi, si qendra historike dhe akademike e Shkupit, po përjeton një fazë të rëndësishme zhvillimi falë mbështetjes së qeverisë.
Kandidati i koalicionit VLEN për kryetar të komunës së Çairit, Izet Mexhiti në emisionin debativ në RTVM njoftoi se gjatë 15 muajve të fundit janë investuar rreth 100 milionë euro, duke u bërë kjo vetëm fillimi i transformimit të zonës.
Mes projekteve kryesore, Mexhiti përmendi:
Universiteti “Nënë Tereza”, investim prej 40 milionë euro, që do të bëjë kampusin më të madh dhe më modern në vend, duke pozicionuar Çairin si qendër akademike me rreth 20 mijë studentë të përfshirë në katër universitete.
Çarshia e Vjetër, investim prej 25 milionë euro, një restaurim i rëndësishëm për çarshin më të vjetër në Ballkan, që nuk ka parë rinovim që nga periudha osmane.
Sheshi “Skënderbeu” në Shkup, projekti do të krijojë hapësirë parkimi për 800 vetura, duke e modernizuar dhe funksionalizuar zonën qendrore me një pamje si sheshi në Tiranë.
Mexhiti theksoi se për herë të parë Çairi po transformohet jo vetëm me fjalë, por me projekte konkrete dhe investime reale, që do ta vendosin këtë pjesë të Shkupit në epokën e zhvillimit dhe do ta forcojnë rolin e saj si qendër akademike, kulturore dhe historike.
Shqip