Montenegro flag and red Covid-19 stamp. Coronavirus 2019-nCov outbreak concept
Për shkak të përkeqësimit të situatës epidemiologjike në Mal të Zi, është e ndaluar organizimi i festimeve të Vitit të Ri në ambient të hapur, si dhe koncerte dhe tubime masive, tha ministrja malazeze e Shëndetësisë, Jelena Boroviç-Bojoviç. Masat do të hyjnë në fuqi më 15 nëntor.
“Ndalohet organizimi i dasmave në ambiente të hapura dhe të mbyllura. Ndalohet puna e klubeve të natës, puna e objekteve hotelierike është e kufizuar deri në mesnatë. Ndalohet edhe organizimi i ekskursioneve dhe festimi i ditëlindjeve, ndërsa qëndrimi në shtëpi dhe banesa u rekomandohet vetëm anëtarëve të familjes”, tha ministrja.
Në Mal të Zi është në fuqi masa për posedimin e certifikatës si kusht për të kaluar kufirin shtetëror, për të qëndruar në restorante, për të marrë pjesë në dasma, për të marrë pjesë në evente, dhe gara sportive.
“Dhe qeveria po shqyrton mundësinë që me 1 dhjetor të vendosë detyrimin për të zotëruar Certifikatën Dixhitale Kombëtare për Covid për të gjithë administratën publike – shëndetësi, arsim, administratë policore dhe ushtri”, tha Boroviç-Bojoviç.
Nga 1 dhjetori, siç tha ai, nëse miratohen këto masa, Certifikata Dixhitale Kombëtare do të jetë e nevojshme për hyrje në transportin publik, qendrat tregtare, palestrat, lokalet afariste dhe objektet afariste në të cilat operojnë më shumë se tre kompani, gjegjësisht sipërmarrës dhe objekte me sipërfaqe mbi një mijë metra katrorë në të cilën tregtohet me pakicën e mallrave joushqimore.
