Ekipi antikorrupsion i LSDM-së publikoi, siç thonë, një “bombë të re”, në të cilën akuzojnë se bankieri i Aleksandar Vuçiqit është bërë edhe bankieri i Mickoskit. Konferencën për media e mbajti Aleksandar Sasha Dimitrijeviq, anëtar i Këshillit Qendror të LSDM-së, i cili pyeti nëse blerja e “Stopanska Banka – Manastir” nga Alta Bank është arsyeja pse Trajko Sllaveski u emërua guvernator i Bankës Popullore të Maqedonisë. Ajo që konsiderohet kontestuese, sipas tyre, është fakti se pronar i Alta Bankës është Davor Macura, një njeri i afërt me Vuçiqin, dhe prejardhja e kapitalit të tij është hetuar nga Banka Qendrore Evropiane.
“Si ka mundësi që Banka Qendrore Evropiane ka ndërmarrë një veprim kaq rigoroz, ndërsa Trajko Sllaveski dhe Banka Popullore e RM-së pa asnjë hezitim e kanë lejuar këtë marrje në Maqedoni? Pse nuk kanë qenë më të kujdesshëm? Sidomos duke pasur parasysh se bëhet fjalë për një bankë të nivelit më të ulët. Ja skenari serb për të cilin paralajmërojmë! Kjo transaksion është e pandashme nga rrjeti financiar-politik i strukturave në pushtet në Serbi me Hristijan Mickoskin dhe VMRO-DPMNE-në. A do të thotë kjo hapje e rrugës për zhvendosje të kapitalit dhe ndikimeve të dyshimta nga Serbia në Maqedoni?”, tha Aleksandar Sasha Dimitrijeviq.
Me një reagim me shkrim për këto akuza u prononcua partia në pushtet. Nga VMRO-DPMNE thonë se tashmë më shumë se 10 ditë, LDS po përpiqet t’i shesë publikut një lloj tregimi për “botën serbe” në vend, por nuk po u funksionon. Për këtë arsye, ata i pyesin nëse, siç thonë, LDS është opozitë në Serbi apo në Maqedoni? Dhe pse janë kaq të fiksuar pas shtetit fqinj? A mos ka diçka që Zaev dhe Filipçe po fshehin nga opinioni në Maqedoni lidhur me ndonjë biznes në Serbi, prandaj janë kaq të zëshëm? Nga VMRO-DPMNE gjithashtu pyesin se interesat e kujt bankare po i mbron opozita në Maqedoni.
Shqip