Hiqet paraburgimi për Stefan Dimovskin, i dyshuar se ka ndihmuar në arratisjen e të dyshuarit kryesor për vrasjen e 14-vjeçares Vanja Gjorçevska, Ljupço Palevski – Palço. Vendimin për lirimin e tij nga paraburgimi në Shutkë e ka marrë gjykatësi i procedurës paraprake nga Gjykata Themelore Penale – Shkup. Stefan Dimovski, i cili dyshohet se ka ndihmuar në arratisje, i është caktuar masa e kujdesit – ndalim i daljes nga vendbanimi, konfiskim i dokumentit të udhëtimit dhe detyrim për paraqitje në gjykatë.
“Pas propozimit të prokurorit kompetent për anulimin e masës së paraburgimit për S. D. dhe caktimin e masës së sigurimit, gjyqtari i procedurës së mëparshme i ka caktuar masën, ndalim të largimit nga vendbanimi, konfiskim i dokumentit të udhëtimit, detyrim që të paraqitet në gjykatë dhe konfiskim, gjegjësisht ndalim për përdorimin e patentë shoferit.”, njofton Gjykata Penale.
Nga Prokuroria informojnë se afati maksimal i paraburgimit për veprën për të cilën dyshohet Dimovski është tre muaj.
“Duke marrë parasysh veprën për të cilën dyshohet personi dhe dënimin me burgim me kusht, kohëzgjatja maksimale e mundshme ligjore e paraburgimit për këtë të dyshuar është tre muaj. Pas skadimit të atij afati, ndaj të dyshuarit është zëvendësuar masa e paraburgimit me masat e duhura të kujdesit.”, thuhet në njoftimin e Prokurorisë Themelore.
Dimovski dyshohet se ka vozitur nga Serbia për në Turqi të dyshuarin kryesor për vrasjen e 14-vjeçares Vanja Gjorçevska dhe Pançe Zhezovskit nga Velesi, Ljupço Palevski – Palço, i cili është në pritje të ekstradimit nga Turqia. Velibor Manev, Vlatko Keshishov dhe Bore Videvski, të cilët ndodhen në paraburgim në Shkup, akuzohen edhe për vrasjen e dyfishtë, dy vepra penale “rrëmbim” dhe “vrasje brutale”, ndërsa në paraburgim është edhe babai i Vanjës, Aleksandar Gjorçevski. Dyshohet se ka ndihmuar në rrëmbim.
