Prindi që sulmoi dy futbollistë vendas 15-vjeçarë gjatë ndeshjes mes ekipeve të rinisë “Bregallnica” dhe “Shkupi” është dënuar me 11 muaj burg, përcjell TV21. Gjyqtari penal Sashko Georgiev, njoftoi sot se këshilli gjyqësor penal, i kryesuar nga gjyqtarja Nevena Perica, ka shpallur aktgjykimin ndaj të akuzuarit Avni Abgulij nga Shkupi për veprën penale “dhunë”.
Ai u dënua me 11 muaj burgim, ndërsa vendimi ende nuk është i formës së prerë – pason afati i ankesave në Gjykatën e Apelit në Shtip. Incidenti ndodhi më 24 gusht të këtij viti në fushën “Belo Bërdo” në Shtip.
Shqip