Hamasi: Nuk duam të mbajmë të burgosur, Izraeli do të detyrohet të bëjë marrëveshje

Hamasi thotë se Izrareli do të detyrohet të arrijë një marrëveshje për pengjet.

Anëtari i byrosë politike të Hamasit, Musa Abu Marzouk theksoi se ata nuk duan t’i mbajnë izraelitët të burgosur dhe se janë të hapur për një marrëveshje të re për shkëmbimin e tyre me të burgosur palestinezë në Izrael.

“Në fund, Izraeli do të detyrohet të arrijë një marrëveshje, sepse në më shumë se njëqind ditë lufte nuk ka arritur të rimarrë asnjë të burgosur me forcë.

Izraeli do t’i rikthejë ata përmes një marrëveshjeje me lëvizjen, ose do t’i marrë si trupa,” i tha Marzouk agjencisë ruse të lajmeve Sputnik, cituar nga Al Jazeera.