May 16, 2024
Maqedoni

Grubi shtrin dorën e pajtimit për Grupin e Zjarrit, a është i gatshëm të japë dorëheqje?

Zv.kryeministri i parë, Artan Grubi, nga një tubim në Çair ka shtrirë dorën e pajtimit dhe u ka bërë thirrje të gjithë të pakënaqurve në BDI që të rreshtohen pas liderit të partisë, Ali Ahmeti. Ai tha se shqiptarët nuk kanë nevojë të përçahen dhe të lakojmnë pozitat e njëri-tjetrit.

Pasi foli për avancimin e pozitës së shqiptarëve në Maqedoninë e Veriut, në dy dekadat e fundit, Grubi tha se këto të arritura nuk duhet të keqpërdoren dhe të rrezikohen, për të ambicie dhe interesa personale.
“Unë nga kjo foltore them, neve na duhet pajtim, neve na duhet bashkim, neve na duhet të rreshtohemi pas Ali Ahmetit dhe dora jonë e shtruar do të mbetet e shtruar për pajtim, për bashkim, për unifikim edhe për të prijë bashkarisht nën ombrellën e Ali Ahmetit”, tha Grubi.

Është e qartë se të pakënaqurit që u shtrin Grubi dorën e pajtimit janë Grupi i Zjarrit. Mirëpo kushti i tyre i parë për pajtim është dorëheqja e Grubit, “sakrificë” të cilën zv/kryeministri i parë nuk ka treguar nëse është i gatshëm ta bëjë.