Kasami: Procedura, peng i komisionit të opozitës
Grafa etnike në letërnjoftime mbetet në qorr sokak. Prej muajsh nuk ka asnjë lëvizje në drejtim të shqyrtimit të propozim-Ligjit për letërnjoftime. Megjithëse nuk është lëvizur asnjë gurë, Lëvizja Besa vlerëson se nuk ka hequr dorë nga kjo çështje. Kryetari i kësaj partie, Bilall Kasami thotë se me partnerët e koalicionit janë duke punuar për të gjetur mënyrën e duhur për miratimin e ndryshimeve. Ndonëse nuk shpjegon mënyrën përmes të cilës do të procedohet ligji, Kasami thotë se për një gjë të tillë do të njoftohemi shpejtë.
