Policia e Kosovës ka njoftuar se ka arrestuar gjashtë persona të dyshuar për “Kontrabandim me mallra” dhe “Kalim ilegal të kufirit”, pas një aksioni të zhvilluar të mërkurën mbrëma në fshatin Rujishtë.
Sipas Policisë, njësitë policore kanë ndalur katër automjete me targa të Serbisë, për të cilat dyshohej se transportonin mallra të kontrabanduara pa dokumentacion të origjinës.
Gjatë kontrollit, brenda automjeteve u gjetën sasi të konsiderueshme të artikujve të ndryshëm, përfshirë tekstil, produkte ushqimore dhe produkte të mishit.
“Me datën 11.12.2025 rreth orës 18:30 ne fshatin Rujishte ne nje rrugë malore, njësit policore kanë ndalur katër automjete me targa te shtetit te Serbisë, te cilat dyshohet se kishin malli te kontrabanduar , pa dokumente mbi prejardhjen e mallit, ne te cilën gjendeshin gjësende te ndryshme si tekstil, gjësende ushqimore, produkte te mishit, ne këto automjete ishin gjashtë persona te njëjtit janë sjellë se bashku me automjete ne Stacionin Policor Mitrovicë veri. Lidhur me rastin është njoftuar Dogana e Kosovës e cila do te vazhdojë me procedura doganore. Lidhur me rastin është kontaktuar prokurori kujdestar i shtetit me urdhrin e te cilit rasti iniciohet ‘‘Kontrabandimi me mallra‘‘ dhe ‘‘Kalimi ilegal i kufirit‘‘ dhe pas intervistimit personat e dyshuar te lirohen ne procedurë te rregullt”, thuhet në njoftim./dukagjini
Shqip