Zv.kryeministri, Arben Fetai, vlerëson se hapja e negociatave për anëtarësimin e Shqipërisë në BE është pikë kthese për popullin shqiptar, për Ballkanin perëndimor dhe për mbarë Evropën.
“Një ditë historike për Shqipërinë dhe Evropën!
Hapja e negociatave për anëtarësimin e Shqipërisë në BE është pikë kthese për popullin shqiptar, për Ballkanin perëndimor dhe për mbarë Evropën.
Konferenca e sotme ndërqeveritare Shqipëri – BE krijon momentum të ri për tërë rajonin, duke e bërë objektivin e anëtarësimit të vendeve tona në BE deri në vitin 2030 dhe bashkimin përfundimtar politik të kontinentit, edhe më realist, edhe më të prekshëm. Dita e sotme dëshmon se me punë dhe me reforma modernizuese, vendet e Ballkanit Perëndimor e kanë në duart e tyre të ardhmen e tyre”, ka shkruar Fetai.
Urime Shqipërisë dhe të gjithë shqiptarëve. Shqiptarët po kthehen aty ku çdoherë kanë përkatur!
