Një tragjedi e rëndë ka goditur familjen Maloku nga Peja. Brenda pak orësh, dy vëllezërit, Bashkim dhe Gazmend Maloku, humbën jetën në mënyrë tragjike.
Fillimisht, Gazmend Maloku (Meni) ndërroi jetë si pasojë e plagëve të marra në një aksident me motoçikletë. Ndërkohë, Bashkim Maloku, i cili po trajtohej në spital për një sëmundje të rëndë, u përball me lajmin e hidhur për humbjen e vëllait të tij të vogël. Sipas burimeve, vetëm rreth një orë pasi mori këtë lajm të rëndë, gjendja e tij shëndetësore u përkeqësua dhe fatkeqësisht ndërroi jetë edhe ai.
Dy vëllezërit do të përcillen sot bashkë për në banesën e fundit në varrezat e qytetit të Pejës.
Kjo ngjarje ka tronditur familjarët, miqtë dhe gjithë qytetin, ndërsa rrjetet sociale janë mbushur me mesazhe dhimbjeje dhe ngushëllimi për familjen Maloku.
Ngushëllime të sinqerta familjes dhe të afërmve.
Shqip