Deputetja e Lidhjes Demokratike të Kosovës, Rrezarta Krasniqi e ka kritikuar Qeverinë e Kosovës, e në veçanti kryenegociatorin Besnik Bislimi, se çështjen e dinarit e bëri temë të madhe që u diskutua deri në Këshillin e Sigurimit të OKB-së.
Ajo ia ka kujtuar Bislimit zotimet se për dinarin nuk do të diskutohet, shkruan gazeta online Reporteri.net.
“Qeveria e Bislimit e bëri temë dinarin. Për pasojë kjo temë mbërriti në Këshill të Sigurimit ku edhe vendet mike e kritikuan vendin tonë për herë të parë. E njëjta temë po diskutohet në Bruksel. A ju kujtohet kur Bislimi thoshte se nuk e diskutojmë këtë temë as këtu e as jashtë?Edhe sot Bislimi ishte në Bruksel duke diskutuar për këtë temë. Koncetrohu Bislim!”, ka shkruar ajo.
