Bashkimi Evropian (BE) po përgatit një paketë të ndihmës financiare për Ukrainën në vlerë totale prej 72 miliardë eurosh.
Sipas lajmit në faqen e internetit Politico, Komisioni i BE-së ka nisur të përgatisë paketën e re të ndihmës për Ukrainën.
Në kuadër të paketës, 18 miliardë euro do t’i jepen Ukrainës çdo vit në periudhën 2024-2027.
Asistenca përmes një mekanizmi të veçantë që do të krijohet në kuadër të buxhetit afatgjatë të BE-së do të përbëhet nga grante dhe kredi. Me këtë mbështetje do të synohet të balancojë shpenzimet buxhetore të Ukrainës dhe të kontribuojë në rindërtimin e vendit.
Paketa do të përfshijë kushte në fusha të ndryshme si kundër korrupsionit dhe reformat strukturore.
Ekonomia e Ukrainës u tkurr me rreth 30 për qind vitin e kaluar për shkak të luftës.
Banka Botërore vlerëson se rindërtimi i Ukrainës mund të kushtojë 411 miliardë dollarë.
Më parë, BE-ja kishte vendosur të sigurojë 18 miliardë euro ndihmë financiare për Ukrainën në vitin 2023.
