Më datë 11.12.2025 rreth orës 08:00, zyrtarë policorë të SPB Tetovë kanë privuar nga liria personin F.R. (30) nga fshati Orashë, komuna e Jegunocit. Gjatë kontrollit në shtëpinë e tij në fshatin Orasgë, i kryer me urdhër të gjykatës, janë gjetur dhe sekuestruar një pushkë automatike e kalibrit 7.62 milimetra me dy karikatorë me gjithsej 22 plumba të kalibrit 7.62 milimetra, 78 plumba të markës dhe kalibrit të panjohur, marihuanë, një thërmues dhe një peshore digjitale. Gjatë kontrollit në shtëpinë e tij, është gjetur I.D. (34) nga Republika Federale e Gjermanisë, e cila është ndaluar dhe mbajtur në stacion policor pasi ka tejkaluar qëndrimin turistik. F.R. është ndaluar në stacionin policor dhe pas dokumentimit të plotë të rastit, kundër tij do të dorëzohet parashtresë përkatëse.
Shqip