Michel Rojkind po e sjell përvojën globale në Komunën e Çairit, duke ndihmuar në formësimin e një vizioni të ri për të ardhmen e saj. Fokusi i tij është krijimi i një qyteti më të jetueshëm, gjithëpërfshirës dhe drejt të ardhmes – ku hapësirat publike kultivojnë komunitetin, kulturën dhe mundësinë. Kështu ka njoftuar në profilin e tij në Facebook, kandidati për kryetar i Komunës së Çairit, Bujar Osmani, ndërsa lë të kuptohet se arkitekti ndërkombëtar nga Meksika, Rojkind do jetë pjesë e ekipit të Osmanit për dizajnimin e Komunës së Çairit.
Njoftimi i plotë i Bujar Osmanit:
Michel Rojkind, një arkitekt që kombinon arkitekturën me dimensionin social dhe kulturor, duke e parë dizajnin jo vetëm si formë estetike, por si instrument transformimi urban dhe përfshirjeje të komunitetit.
I vlerësuar si “përfaqësuesi kryesor i gjeneratës së arkitektëve më me ndikim në botë”, revista prestigjioze Forbes e përzgjodhi studion “Rojkind Arquitectos” si një ndër 10 firmat më inovative të reja në botë.
I lindur në Meksikë, Rojkind që në fillim të karrierës u dallua me ide inovative në dizajn dhe ndërlidhjen e arkitekturës me komunitetin. Projekti që e bëri të njohur globalisht ishte “Nestlé Chocolate Museum (2007) afër Toluca, një strukturë futuriste që fitoi çmime ndërkombëtare dhe u nominua për “British Museum Award”.
Në vitin 2010, fitoi çmimin ndërkombërar “Emerging Voices” të ndarë Architectural League of New York, derisa media të njohura, sikurse New York Times, e kanë përfshirë në kategori si “Faces to Watch”. Në Meksikë, vazhdon të mbajë pozitën e një ndër 10 emrat më me ndikim global krijues.
Ndër projektet e tjera kryesore të tij përfshihen si “Cineteca Nacional Siglo XXI” (Qendra kombëtare e filmit në Meksikë), “Mercado Roma” (një treg urban modern në Ciudad de México), “Liverpool Interlomas Facade” (fasadat spektakolare për qendrën tregtare), si dhe projekte rezidenciale si “Casa PR34” dhe “Casa F2”.
Ai ka mbajtur leksione në konferenca ndërkombëtare si TEDx dhe World Architecture Festival, si dhe është profesor vizitues në shkolla prestigjioze të arkitekturës si Harvard, the Illinois Institute of Technology, the University of Pennsylvania, SCI-Arc, and Aalto University.
Sot, Michel Rojkind konsiderohet si një nga zërat më të rëndësishëm të arkitekturës moderne, duke përfaqësuar një gjeneratë krijuesish që e kanë vendosur komunitetin dhe inovacionin në hartën botërore të dizajnit.
Michel Rojkind po e sjell këtë përvojë globale në Komunën e Çairit, duke ndihmuar në formësimin e një vizioni të ri për të ardhmen e saj. Fokusi i tij është krijimi i një qyteti më të jetueshëm, gjithëpërfshirës dhe drejt të ardhmes – ku hapësirat publike kultivojnë komunitetin, kulturën dhe mundësinë. Me histori të dëshmuar në shndërrimin e ideve ambicioze në realitet, angazhimi i Rojkind garanton që vizioni i Çairit për të nesërmen do të jetë i guximshëm, i besueshëm dhe transformues.
Shqip