Aktivistja shqiptare nga Sanxhaku, Amina Nuraj, ka njoftuar përmes një postimi në rrjetin social Facebook se është bërë zyrtarisht pjesë e Lëvizjes Vetëvendosje.
Në njoftimin e saj, Nuraj ka theksuar mbështetjen e vazhdueshme që ka marrë nga kryeministri Albin Kurti, të cilin e përshkroi si figurën që i qëndroi pranë qysh nga fillimi.
“Që nga fillimi, z. Albin Kurti ishte ai që ishte pranë meje, që më mbështeti. Politikani i parë në Republikën e Kosovës që përmendi emrin dhe mbiemrin tim në çdo takim dhe më prezantoi para popullit si një heroinë të kombit shqiptar,” shkruan ajo.
Lexo më shumë Ilir Alimehmeti dënon agresionin policor ndaj News24: Policia s’ka asnjë të drejtë të ndalojë gazetarët pa një arsye ligjore dhe të justifikuar
Nuraj u shpreh e vendosur që të vazhdojë përpjekjet e saj për të qenë një zë i fuqishëm për shqiptarët e Sanxhakut.
“Beteja ime vazhdon! Do të përpiqem të jem një zë i fortë i bashkëqytetarëve të mi shqiptarë të Sanxhakut,” shtoi ajo në postim.
Ajo gjithashtu falënderoi disa përfaqësues të Vetëvendosjes që kanë kontribuar në forcimin e zërit të saj në skenën politike kosovare, përfshirë deputetin Armend Muja, si dhe znj. Agnesa Calakoviq dhe znj. Aida Ferati Doli.
Ky hap i Amina Nurajt është një sinjal për forcimin e lidhjeve mes shqiptarëve të Sanxhakut dhe institucioneve të Republikës së Kosovës, në një kohë kur çështjet e të drejtave të tyre po marrin gjithnjë e më shumë vëmendje politike.
Shqip