Aktakuzë për terrorizëm për persona nga Shkupi dhe Kumanova

Prokuroria parashtroi kallëzim penal kundër tetë shtetasve të Maqedonisë së Veriut të cilët, sipas shembullit të organizatës terroriste ISIS kanë formuar organizatën “Qelia”.

Organizata, sipas Prokurorisë, është themeluar në vitin 2019, ndërsa anëtarët kanë mbledhur armë. Nga Prokuroria nuk zbulojnë se çfarë sulme kanë pasur në mend.

“Pas procedurës gjithëpërfshirëse hetimore, Prokuroria sot në Gjykatën Penale në Shkup ngriti aktakuzë kundër pesë personave nga Kumanova dhe tre nga Shkupi. Sipas veprimeve të përshkruara në aktakuzë, B.G (28), R.A (31), S.I (31), A.S (21) dhe J.K (25) kanë kryer veprën penale “Organizatë terroriste”, i akuzuari B.F (33) ka kryer veprën penale “Organizatë terroriste” dhe një vepër penale “shërbim në ushtri armike. I akuzuari D.A (21) akuzohet se ka kryer veprën penale “Përpunim të paautorizuar, mbajtje, posedim dhe tregti me armë ose materie shpërthyese”. I akuzuari I.M (23) të njëjtën vepër penale”, thonë nga Prokuroria.

Sipas tyre, në periudhën nga viti 2019 deri në vitin 2020, në Maqedoni, të akuzuarit B.F, B.G, R.A, S.I, A.S, dhe J.K janë anëtarësuar në organizatën “Qelia” me ideologji të organizatës terroriste ISIS, ndërsa organizata është krijuar në vitin 2019 në i akuzuari B.A.

“Duke pranuar planin kriminal të kësaj grupe, çdo anëtar ka pas detyra konkrete dhe kështu i akuzuari B.F dhe B.G kanë marrë detyra nga i akuzuari B.A, dhe i kanë siguruar mbështetje logjistike dhe kanë pasur detyrë që bashkërisht me tre të akuzuarit, të sigurojnë automjet me të cilin do t’i transportojnë armët dhe objekt ku do të mbahen armë, pajisjet ushtarake dhe municion për të përpunuar pajisje shpërthyese”, thonë nga Prokuroria.

Nga Prokuroria theksojnë se ata kanë mbledhur informacione dhe kanë vëzhguar disa objekte dhe lokacione, ndërsa të akuzuarit R.A, S.I dhe A.S, si pjesëtarë të grupit kanë marrë pjesë edhe në aktivitetet dhe mbledhjen e informacione të rëndësishme për qëllimet e grupit terrorist dhe kanë vëzhguar disa objekte dhe lokacione.

“I akuzuari J.K ka mbledhur, evidentuar dhe titulluar përkthime, nga gjuha arabe në gjuhën shqipe, të videove në betejat në Siri dhe Irak dhe nga sulmet terroriste në Francë dhe Spanjë, si dhe incizime ku tregohet edhe mënyra e përpunimit të pajisjeve shpërthyese, si bëhet sulmi ndaj personave, si përdoret internet me aplikacione të sigurta dhe incizime me deklaratat e viktimave të ISIS, me çka ka mundësuar qasje ndaj shumë personave me përmbajtje të këtilla radikale”, thuhet në njoftimin e Prokurorisë.

Në bazë të fakteve dhe dëshmive nga procedura hetimore, prokuroria erdh thotë se i akuzuari B.F, si qytetar i RMV-së, në periudhën nga 04.05.2014 deri në vitin 02.06.2014 gjatë konfliktit të armatorus, aktivisht ka marrë pjesë në formacionet ushtarake të ISIS, nga ku edhe nga ISIS është evidentuar si luftëtar.

“Gjatë procedurës hetimore, Prokuroria vërtetoi se gjatë vitit 2020 në Kumanovë, i akuzuari D.A, pa autorizim ka mbajtur armë pistoletë ‘Zastava”, dhe pa autorizim e ka shitur te i akuzuari V.A, ndërsa në të njëjtën periudhë, në fshatin Tabanoc, i akuzuari I.M, pa leje ka mbajtur pushke automatike, pistoletë automatike “Skorpion”,, thonë nga Prokuroria.