Në seancën e sotme simuluese konstituive të Kuvendit të Republikës së Maqedonisë së Veriut të dalë nga zgjedhjet parlamentare të 8 majit, kryetari i BDI-së Ali Ahmeti, mbajti fjalë rasti.
“Vendi ynë duhet që qëllim ta ketë paqësimin me të gjitha vendet e rajonit, dhe për t’i prirë këtij paqësimi do të ndikonte mjaft, ndryshimi i Kushtetutës dhe inkorporimi i komuniteteve të vogla që jetojnë në këtë vend si kategori kushtetuese. Sa më lojal shteti aq më lojal janë qytetarët, sa më përfillës shteti, aq më shumë kanë besueshmëri qytetarët. Shtet i cili jo në mënyrë arbitrare të vendosi mbi komunitetet e vogla që nuk kanë mundësi për të qenë të barabartë”, tha ai.
Ne si postulat, shton Ahmeti e kemi patur parasysh, prandaj njëzëshëm, mbështesim ndryshimin e Kushtetutës, mbështesim që pas pesë viteve presidenti aktual të ngre iniciativën që kryetari i shtetit të zgjidhet në Kuvend, sepse është reflektim i drejtpërdrejtë i përfaqësimit të qytetarëve në organin më të lartë ligjvënës.
Ne jemi republikë parlamentare dhe duhet të ushtrohet demokracia parlamentare që kryetari i ardhshëm të zgjidhet me shumicë të kuvendarëve dhe me parimin e Badenterit, prandaj zoti kryetar ne u japim mbështetje të plotë ndryshimeve në këtë vend për të ecur përpara”, ka thënë Ahmeti.
