VLEN dje ka bërë hapjen e shtabit në Gostivar, si dhe ka promovuar kandidatin e tyre për kryetar komune, Nevzat Bejta.
Shefi i shtabit zgjedhor i VLEN-it, Adnan Azizi, në një postim në Facebook pas hapjes së shtabit, Adnan Azizi, shkruan se Nevzat Bejta është kryetari i fundit që ka punuar për Gostivarin dhe duhet t’i jepet mbështetje.
Azizi gjithashtu thotë se kundërkandidatët në Gostivar kërkojnë komunën për ta financuar partinë dhe për të mbijetuar politikisht.
“Hera e fundit që është punuar në Gostivar ka qenë koha e Nevzat Bejtës. Qytetarët e Gostivarit e dijnë mirë këtë. Është koha që të kthehet dhe t’i rregullojë krejt ato që i shkatërruan këta të tjerët”.
“Ata nuk garojnë për të bë punë për Gostivarin. Atyre iu duhet Gostivari për mbijetesë politike. Për ta shpëtuar karrierën personale dhe për ta financuar partinë. Nuk e kanë hallin e Gostivarit dhe gostivarasve”.
“Gostivari sot ka nevojë për siguri politike, për stabilitet, për një dorë të provuar, jo për eksperimente, jo për improvizime dhe jo për njerëz që e shohin qytetin si shpëtim politik. Urime kandidatit Nevzat Bejta dhe urime për përzgjedhjen si shef shtabi Bahar Aliut”, ka shkruar Azizi.
Shqip