Përfundon pjesa e parë pa gola: Dortmundi dominon me raste ndaj Real Madridit

Ka përfunduar me rezultat të barabartë 0-0 pjesa e parë e finales së Ligës së Kampionëve mes Dortmundit dhe Real Madridit, me sfidën që po luhet në ‘Wembley’.Pas 45 minutave ekipi me rastet më të mira në fushë ishte Dortmundi që rrezikoi seriozisht portën e Real Madridit në disa raste.

Fillimisht ishte Karim Adeyemi i cili në minutën e 23-të dështoi që të shënojë në një situatë 1 me 1 me portierin Thibaut Courtois.

Vetëm dy minuta më vonë, më saktësisht në minutën e 25-të, Dortmundi rrezikoi sërish, këtë herë me Niclas Fullkrug të cilit shtylla ia mohoi golin.