Aeroplani i Presidentit ukrainas Volodymyr Zelensky u pasua nga katër dronë ushtarakë përpara se të ulej në Aeroportin e Dublinit në kryeqytetin irlandez të hënën, raportoi Independent .
Dronët u ngritën nga një vendndodhje në verilindje të Dublinit dhe më pas fluturuan drejt avionit të udhëheqësit ukrainas, duke shkelur një zonë ndalim-fluturimi.
Policia Kombëtare Irlandeze, Gardaí, po heton incidentin, por deri më tani nuk ka qenë në gjendje të përcaktojë se nga kanë ardhur dronët ose kush mund t’i ketë kontrolluar ato. Ata po përpiqen gjithashtu të përcaktojnë nëse dronët u lëshuan nga toka apo nga një anije që kaloi “pa radar”.
Shërbimet irlandeze të sigurisë thanë se dronët ishin të mëdhenj dhe të tipit ushtarak, dhe se incidenti mund të konsiderohet një sulm hibrid.
Vizita e Zelensky ishte e para e një presidenti ukrainas në Irlandë dhe erdhi ndërsa ai kërkoi të siguronte mbështetje nga udhëheqësit evropianë, ndërsa negociatat për t’i dhënë fund luftës në Ukrainë, të udhëhequra nga Shtetet e Bashkuara, vazhdojnë.
Shqip