Sekrerari Organizativ i Aleancës për Shqiptarët Gadaf Uzairi përmes një postimi shkruan se Mickovski në një takim ka deklaruar: ‘Lufta e 2001 ishte pjesa e parë, tash ka ardhur koha ta luaj unë pjesën e dytë.’, shkruan Top24
Një shok i imi i afërt, që dikur ishte pjesë e Aleancës e sot funksionar i lartë në qeveri përmes VLEN-it, më tha diçka që më tronditi. Sipas tij, në një takim me disa ndërkombëtarë, Kryeministri Mickoski ka deklaruar: ‘Lufta e 2001 ishte pjesa e parë, tash ka ardhur koha ta luaj unë pjesën e dytë.’
Është alarmuese të shohësh se përfaqësuesit e VLEN-it, edhe pse e dinë këtë, ende qëndrojnë në një qeveri hapur anti-shqiptare, duke u bërë ortakë në cënimin e interesave tona kombëtare.
Ju bëj thirrje të reflektoni sa nuk është vonë, sepse ka jetë edhe pas Tetorit!
Përgjegjësia e tradhtisë nuk harrohet kurrë!!”, ka shkruar Uzairi.
Uzairi, në vend që të gënjejë paturpësisht, duhet të pranojë se Taravari tha se është në politikë vetëm për fitim dhe se nuk i intereson që Gostivari po mbytet në mbeturina.
Kur politikanët nuk kanë ide, asnjë program dhe asgjë për të ofruar, atëherë e vetmja gjë që u mbetet është të përhapin gënjeshtra dhe konstruksione. Pikërisht këtë po bëjnë Uzairi dhe Taravari sot, duke shpresuar se duke shtrembëruar të vërtetën do të fshehin pafuqinë e tyre politike dhe faktin se partia e tyre e vetme është krimi, paratë dhe tenderët.
Në vend që Uzairi të gënjejë, le të ketë guximin të pranojë një të vërtetë: udhëheqësi i tij Arben Taravari deklaroi publikisht në një takim se është në politikë vetëm për fitim dhe se nuk i intereson që Gostivari po mbytet në mbeturina. Këto janë fjalët e tij, kjo është e vërteta e tij, ky është karakteri i tij politik, janë përgjigjur nga VMRO-DPMNE.
“Kjo është një klikë që po shantazhohet nga BDI sepse janë kapur në marrëveshje katastrofike përmes njerëzve të afërt me BDI-në nga një vend fqinj. Këta janë përfitues në shpinë të shqiptarëve të ndershëm dhe një turp për heronjtë dhe familjet shqiptare që sinqerisht duan të jetojnë dhe punojnë në vendin e tyre, Maqedoninë.
Le t’u shpjegojë Taravari votuesve të tij për shtëpinë në Taftalixhe, pastaj për marrëveshjet me parkingjet dhe për disa afera të tjera që nuk do t’i përmendim tani për tani, dhe janë pjesë e thashethemeve për neurologun i cili, ngjashëm me një nga kolegët e tij, neurokirurg dhe kukull e familjes nga Strumica, është në prehrin e Ahmetit dhe i prirur ndaj hedonizmit dhe luksit”, përgjigjen nga VNRO-DPMNE.
Sipas partisë së Mickoskit, esenca është e qartë, “politika e Taravarit dhe kompanisë nuk është për qytetarët, nuk është për interesat e shqiptarëve apo të Maqedonisë, por vetëm për llogari dhe fitim personal”.
“Prandaj ata ndërrojnë parti si këmisha, duke kërkuar gjithmonë një mundësi të re për përfitime personale”, thuhet në reagimin e VMRO-DPMNE-së.
Shqip