Testimi i poligrafit për t’i dhënë fund korrupsionit, Transportuesit: Problemi është mosndëshkimi i korrupsionit

Fillimi i bllokimit të korrupsionit të gjerë në vend fillon me nënshtrimin e detektorëve të gënjeshtrës të punonjësve në policinë kufitare dhe doganat, thotë propozuesi, koordinatori nacional për sigurinë e kufijve, Aleksandar Pivovarov.

“Unë sugjerova që është mirë që të miratohet një direktivë që të gjithë kufijtë të jenë të sigurt. Ekonomia do të jetë më e fortë, kufijtë e sigurt do të krijojnë ekonomi më të forta. Në një situatë të tillë, duhet të miratohet një direktivë për të gjitha vendet anëtare të BE-së dhe të gjitha vendet kandidate. Besoj se të gjitha vendet do të jenë shumë më të lumtura dhe shumë më të pasura. Është e vështirë të marrësh një vendim të tillë, jam i vetëdijshëm se do të ketë shumë armiq, por në fund ju do të gjykoni pse armiq të tillë lindin në një ide të tillë.”, – deklaroi koordinatori nacional për menaxhim kufiri, Aleksandar Pivovarov.

“Sipas hulumtimeve më të fundit shkencore, saktësia e pajisjes poligrafike është deri në 97%, që është niveli më i lartë në raport me të gjitha kërkimet për zbulimin e gënjeshtrës.”, – theksoi hetues poligrafi, Nikola Bozhinovski.

Biznesmenët dhe transportuesit konsiderojnë se problem madhor është mosndëshkimi i korrupsionit, krahas zbulimit të autorëve.

“Duhet të rishkruajmë edhe arsyet. Arsyet janë esenca apo mosfunksionimi i sistemit, kështu i shoh shkurt ato dy momente si bazë dhe si arsye për sjellje korruptive.”, – u shpreh Xhino Shkreli nga Oda Ekonomike.

“Problemi është se ne nuk kemi një fund. Kur të kemi ndëshkim, do të fillojë të ketë frikë, do të fillojë të ketë një dëshirë edhe më të madhe për të punuar profesionalisht dhe vetëm kështu mendoj se mund të ecim përpara.”, – theksoi transportuesja, Katerina Miletiq.

Inspektimin e policëve dhe doganierëve në kufi e përkrah edhe Sindikata e MPB-së, pasi sipas tyre do të rritet buxheti e me këtë edhe pagat, pra do të ketë më shumë entuziazëm për punë të mirë.