Kandidati për kryetar të Komunës së Çairit nga Koalicioni VLEN dhe Zëvendëskryeministri i Parë dhe Ministri aktual i Mjedisit dhe Planifikimit Hapësinor, Izet Mexhiti, pret një fitore absolute në zgjedhjet e tetorit dhe shpall një vizion për zhvillimin urban të komunës në 50 vitet e ardhshme.
Në një intervistë për MIA-n, Mexhiti theksoi se do të kërkojë besimin e qytetarëve me një program konkret dhe pragmatik bazuar në disa shtylla – zgjidhjen e trafikut të ngjeshur, rregullimin e gjelbërimit dhe trotuareve, rregullimin e urbanizimit dhe futjen e një moratoriumi për ndërtimet e reja.
Çairi do të jetë komuna e parë që nuk do të ketë mbeturina në rrugë, sepse të gjithë kontejnerët do të jenë nën tokë. Kjo do të kontribuojë për një Çair shumë më të pastër dhe më të gjelbër – tha ai.
Plani përfshin gjithashtu 500 vende të reja parkimi në Çarshinë e Vjetër të Shkupit, 100 në Gazi Babë, si dhe parkingje të reja në Çairçankë dhe te Rruga e Plastikave, së bashku me futjen e parkimit me zona.
Mexhiti, siç tranmseton Lideri.mk, njoftoi gjithashtu investime të rëndësishme në arsim: nga 1 shtatori, dy shkolla fillore do të funksionojnë vetëm në një ndërrim, gjë që, sipas tij, do të jetë model për të tjerat me ndërtimin e shkollave të reja dhe riorganizimin.
Ai theksoi se Çarshia e Vjetër e Shkupit është tashmë vendi më tërheqës në vend, por theksoi se vizioni i VLENI-t është ta bëjë atë edhe më të zhvilluar dhe të urbanizuar.
-Pres një fitore absolute në Çair dhe jam i bindur se beteja do të përfundojë në raundin e parë – tha Mexhiti
Shqip