Përfundon obduksioni – trupi i pajetë i Vanja Gjorçevskës i dorëzohet familjes!

RAPORTET ENDE NUK JANË GATI THONË NGA MPB DHE PTHP

Ka përfunduar obduksioni i trupit të 14-vjeçares Vanja Gjorçevska, përcjell KlanM, që duhet t`i jep përgjigjet për shumë pyetje – si është vrarë dhe kur ka ndodhur vdekja.

Kjo paraqet një nga dëshmitë kryesore në procedurën kundër Lupço Palevskit – Pallço, Velibor Manevit, Vlatko Keshishevit, Bore Videvskit dhe babait të viktimës, Aleksandar Gjorçevski.

Trupi i pajetë I Vanjës, i është dorëzuar së ëmës, pas çka do të organizohet varrimi.

Detaje të obduksionit nuk do të ndahen me publikun për shkak të hetimeve – kanë thënë nga Prokuroria.

Nga obduksioni, mund të kumtohen edhe momente të izoluara, sic është koha e vdekjes, por edhe shkaktari – arma e zjarrit, ngulfatja ose dicka tjetër.

Dy trupat e pajetë ishin gjetur në rrethinën e Shkupit dhe Velesit. Sipas MPB-së dhe Prokurorisë, dy viktimat nuk kanë pasur lidhje mes tyre, por për rrëmbimin dhe vrasjen dyshohen persona të njëjtë.

E mitura, sipas MPB-së, është rrëmbyer nga hyrja e ndërtesës ku ka jetuar në Komunën Qendër, herët në mëngjes më 27 nëntor. Me duar dhe këmbë të lidhura është vënë në bagazhin e automjetit “Citroen”, pronar i së cilit ka qenë viktima nga Velesi, është dërguar në periferi të Shkupit ku sipas hetimeve të deritashme është vrarë dhe groposur kurse automjeti është djegur.

74-vjecari Pançe Zhezhovski, sipas Prokurorit Bubevski, ka qenë viktimë rasti, sic thuhet, është shfrytëzuar për t`ia marrë makinën me të cilën kryhet krimi.

Si victim është zgjedhur për shkak se I ka pasur 500 euro borxh njërit prej të dyshuarve./KlanMacedonia