Përurohet pulla postare me figurat e motrave Qiriazi! Abazi: Është shtypur në 6.000 kopje

Posta e Maqedonisë së Veriut në bashkëpunim me Institutin e Trashëgimisë Shpirtërore e Kulturore të Shqiptarëve në Shkup sot kanë përuruar pullën postare me figurat e motrave Qiriazi.

Kjo është bërë për nder të Ditëve të Alfabetit, respektivisht me rastin e 115 vjetorit të Kongresit të Manastirit.

“Ideja ishte që këtë festë madhështore ta begatojmë me një pullë portale, në të cilën do të ishin motrat Qiriazi, me qëllim që në një farë mënyre të dërgojmë porosinë se sa është i rëndësishëm roli i grave, sa ka qenë atëherë dhe sigurisht që është edhe sot. Autor i Pullës Postare është Luran Pufallo, është e shtypur në 6.000 kopje me vlerë nominale prej 36 denarë”, tha Bujare Abazi, drejtoreshë e Postave të Maqedonisë.