Izraeli pranon kërkesën e SHBA për të shtyrë operacionin tokësor në Gaza

Izraeli ka rënë dakord të vonojë pushtimin tokësor të Gazës për momentin, në mënyrë që Shtetet e Bashkuara të nxitojnë mbrojtjen raketore në rajon, ka raportuar media amerikane Wall Street Journal (WSJ).
Duke cituar zyrtarë amerikanë dhe izraelitë, Pentagoni po punon për të vendosur rreth 11 sisteme të mbrojtjes ajrore në rajon, tha WSJ, duke përfshirë trupat amerikane të stacionuara në Irak, Siri, Arabinë Saudite dhe Emiratet e Bashkuara Arabe.
Zyrtarët izraelitë, sipas botimit, kanë rënë dakord me kërkesat e SHBA-së për të pritur derisa këto sisteme të vendosen, potencialisht brenda kësaj jave.
Të dielën, Sekretari amerikan i Shtetit Antony Blinken paralajmëroi se Uashingtoni do të hakmerrej nëse trupat amerikane do të shënjestroheshin gjatë luftës Izrael-Gaza.