Bekteshi takohet me Komisarin Evropian për Ekonomi Xhentolini

Implementimi i Planit të investimeve ekonomike për Ballkanin Perëndimor është çelësi i rimëkëmbjes në periudhën post-kovid të ekonomisë sonë. Presim shumë iniciativa dhe projekte të reja për krijimin e lidhjeve dhe rrjeteve më të forta me Bashkimin Evropian, deklaroi kështu Ministri i Ekonomisë Kreshnik Bekteshi në takimin e sotëm me Komisionerin Evropian Paolo Xhentolini.

Ministri e informoi Ambasadorin Evropian në lidhje me zbatimin e projekteve prioritare të Maqedonisë së Veriut në kuadër të Planit Ekonomik-të Investimeve për Ballkanin Perëndimor, që do të thotë një stimul i ri për rritjen ekonomike me fokus në infrastrukturën, digjitalizimin, lidhjen e energjisë dhe transportit.

Qëndrimi i përbashkët me Bashkimin Evropian është se lidhja më e mirë e ekonomive të Ballkanit Perëndimor brenda rajonit dhe me BE-në kërkon një angazhim të fortë nga Ballkani Perëndimor për të zbatuar reformat themelore, thellimin e integrimit ekonomik rajonal dhe zhvillimin e një tregu të përbashkët rajonal bazuar në legjislacionin e BE-së me qëllim që rajoni të bëhet një zonë më tërheqëse për investime.

Me planin për rinovim dhe transformim të ekonomisë evropiane përmes Fondit të Rimëkëmbjes, përparësi do t’u jepet investimeve në ekonominë e gjelbër, digjitalizim dhe rimëkëmbjes në periudhën post-kovid.
Ministri e informoi euro-ambasadorin për prioritetet e Maqedonisë së Veriut me kryesimin e CEFTA-s këtë vit dhe qëllimet e përcaktuara për lehtësimin e tregtisë, transportit dhe lidhjes së vendeve të Ballkanit Perëndimor që dalin nga Procesi i Berlinit.
Është theksuar se Maqedonia e Veriut është shembull në Ballkanin Perëndimor në aspekt të përparimit të reformave të politikës doganore.