Çmimet në Maqedoni, brenda një viti janë shtrenjtuar ushqimet, janë liruar këpucët

Maqedoni, rritje e shpenzimeve të jetesës në janar për 17.1 përqind në nivel vjetor

Shpenzimet e jetesës në janar janë rritur për 17,1 për qind në krahasim me periudhën e njëjtë të vitit të kaluar, ndërsa çmimet me pakicë janë rritur për 13,3 për qind, njoftoi sot Enti Shtetëror i Statistikave.

Krahasuar me dhjetorin 2022, shpenzimet e jetesës janë rritur për 0,1 për qind dhe çmimet me pakicë janë ulur për 0,4 për qind.

Rritje të shpenzimeve të jetesës ka edhe te kafja, çaji, kakao, peshku dhe ushqimet e detit, fruta të freskëta dhe të ftohta, pijet alkoolike, mishi, buka dhe drithëra, produktet ushqimore, sheqeri, reçeli, mjalta, çokollata dhe ëmbëlsira.

Rritje është vërejtur edhe në grumbullimin e mbeturinave, gazetave, materialeve të zyrave, energjia elektrike, aparatet e mëdha elektroshtëpiake, riparimet e aparateve shtëpiake, enë gatimi, pajisje sportive, produkte të higjienës personale.

Ulje e shpenzimeve të jetesës në krahasim me dhjetorin vërehet te perimet e freskëta dhe të ftohta, përveç patateve dhe frutave të tjera me rrënjë, në vaj dhe verë, si dhe në transportin ajror të pasagjerëve, furnizimin me ujë, këpucët, karburantet, pajisjet e vogla elektrike për familjet.