83 centimetra borë në Kodrën e Diellit, 20 centimetra në Mavrorvë

Mëngjesi më i ftohtë sot ishte në Kodrën e Diellit, ku në orën shtatë të mëngjesit është matur temperaturë prej minus gjashtë gradë dhe ka shtresë bore prej 83 centimetrash.

Minus katër gradë janë shënuar në Hanet e Mavrovës, Lazaropole dhe Krushevë minus tre, Berovë minus dy, Kriva Pallankë minus një, zero gradë në Tetovë, Prilep, Shtip, Strumicë, Vinicë, Dibër, Pretor, një gradë mbi zero në Shkup-Zajçev Rid, Shkup-Petrovec, Manastir, dy në Ohër, tre në Demir Kapi dhe katër në Gjevgjeli dhe Dojran.

Shtresë bore ka edhe në Hanet e Mavrovës, 20 centimetra, Lazaropole 10, Krushevë dhe Berovë shtatë, Kriva Pallankë dhe Gjurishtë katër, Pozharanë dy dhe Dibër, Topolçan një centimetër, informoi Drejtoria për Çështje Hidrometeorologjike.