Gjest shembullor: Mjekët më Shkup heqin dorë nga celularët e rinj, blejnë kondicionerë për pacientetët!
Të gjitha klinikat duhet ta ndjekin gjestin tonë, pra të heqin dorë nga subvencionet për sigurimin e telefonave të rinj celularë dhe t’i përdorin fondet për të blerë atë që u nevojitet për të përmirësuar kushtet për pacientët dhe për të kërkuar donacione. Pacientët janë të parët dhe ne jemi këtu për ta.
Këtë e theksoi sot për MIA-n Klinika Universitare e Urologjisë, e cila ka rinovuar infrastrukturën spitalore, ka zbatuar projekte për përmirësimin e kushteve të punës, përmirësimin e shërbimeve mjekësore dhe rritjen e cilësisë së kujdesit ndaj pacientëve. Punonjësit e kësaj Klinike nuk i përdorën subvencionet nga një kompani e caktuar për t’u pajisur me telefona të rinj zyrtar celularë, me vlerë 500,000 denarë, por në vend të kësaj, me ato fonde blenë dy lavatriçe dhe 18 kondicionerë për të gjitha dhomat e spitalit. Ky akt, sipas menaxhmentit të Klinikës, është një angazhim thelbësor për mirëqenien e pacientëve, transmeton Lideri.mk.
Drejtori i Klinikës Universitare të Urologjisë, Bashkim Shabani, i tha MIA-s se në vend të telefonave të rinj celularë për punonjësit, ata vendosën të blejnë kondicionerë dhe lavatriçe nga e njëjta kompani.
– Duke pasur parasysh që moti i verës në Klinikë është shumë i nxehtë dhe nuk ka kondicionerë për pacientët, vendosëm që të gjithë të hiqnim dorë nga telefonat celularë në mënyrë që të kishte kondicionerë dhe lavatriçe. Na duheshin vërtet si lavatriçe ashtu edhe kondicionerë. Ky është një gjest i mirë. Klinika i ka pasur këto beneficionr për 20 vjet, por ndoshta nuk e kishin idenë më parë, dhe ne u ulëm së bashku, menduam për këtë dhe vendosëm t’i ripërdornim fondet në këtë mënyrë, tha Dr. Shabani.
Siç tranmseton lideri.mk, kur u pyet se cili ishte motivi i tyre, ai tha se motivi ishte se gjatë periudhës së verës, kur temperatura ishte mbi 40 gradë Celsius, pacientët në Klinikë ishin pa kondicionerë.
– Tani, me të hyrë në Klinikë, është e freskët, nuk e vëren se është vapë jashtë, të gjitha dhomat janë të kondicionuara dhe kanë TV LCD që janë donacion nga një kompani private. Kështu vendosëm për atë hap, i cili është një gjest i mirë për pacientët. Ndoshta do të kishim pasur ndonjë përfitim të vogël, por për ne ishte i parëndësishëm dhe vendosëm për atë hap, tha Dr. Shabani.
Shqip